استيقظ زيطه وهو يصرخ
اوعي ايدك اوعي ايدك بلاش قفايا حضرتك انا محترم
جرت امه في لوعه وهي تساله
حبيب امك مالك يا زيطه
يرد زيطه في هلع عايزين يظبطوني يا مه
الام :همه مين دول يا روح امك
زيطه :وليه يامه بس الشتيمه
الام :يا روحي دي معناها انك حته من قلبي
زيطه: اه افتكرت اصل الظابط كان بيقولي يا روح امك وشويه شتيمه كده
الام :زي ايه
زيطه: خلاص يامه جهزتي الفطور
الام :ايوه قوم صلي
زيطه: لا مش هصالي
الام:ليه ياضنايا دانت اكتر واحد متدين في اخواتك
زيطه:اصله سالني انت بتصلي قلته اه مسلمتش
الام:مين ده يا زيطه
زيطه:يامه قلتلك الظابط قلي انت بتصلي فين قلته في البيت قلي قصدك الخليه يابن الـ
الام:ربنا يهديك يابني مانت نايم طول الليل
زيطه:دانا خدت علقه لحد ما مت
واعترفت اني يساري
الام: وبعدين يابني
زيطه: دي كانت غلطه عمري اتنفخت لحد ما عترفت باعضاء التنظيم كله
الام:وبعدين يا حيلي
زيطه: قالولي اني اخوان
الام : يا كبدي انا مش فاهمه حاجه يعني ايه الكلام ده
زيطه :المهم انا صرخت قلتلهم اعملو اي حاجه بس بلاش نوضوع الاخوان ده وسيبوني
ودي كانت نهايه فرقة الريحاني
الام :عملو ايه
قلعو ........قصدي قطعولي هدومي وحطو الخشبه
لا لا قصدي الفلكه في........ رجلي
وهو يبكي في حرقه
الام : يابني استغفر ربك دي اضغاس احلام
استغفر ربنا وقول الشمس عا الحيطان والحلم ما الشيطان اللهم اخزيك يا شيطان
زيطه: يعني ايه ده كله كان حلم
الام: ايو يا ضنايا
يقوم في استغراب وهو يتحسس موضع الالم وهو يتمتم بحلم غريبه دي
يقوم لفتح التلفزيون
ويشاهد اعادة برنامج القاهرة اليو م الذي استضاف عماد الكبير
وهو يشرح كيف تم اغتصابه
ينتفض واقفا ويجري نحو امه
وهو يصرخ والنبي يامه ادعيلي
فترد الام في هدوء ربنا يبعد عنك ولاد الحرام يابني
